CVAP Batch 8: Week 2 Experience

Pasubali (Disclaimer): Sa tingin ko'y marapat na akong mag-Tagalog, sapagkat darang na ako sa ating ikalawang wika. Sabi nga "mahalin ang sariling atin." Marahil ay gagamit pa rin ako nang bahagyang Ingles para sa ibang ekspresyon at mga salita, ngunit kung ibig mong maunawaan ito sa wikang Ingles, mangyaring makipag-ugnay sa akin sa (but if you want to understand it in English, please contact me at) themaneuvoice@gmail.com.

Hello fellas! Kumusta kayo? Ako? Ito pinagpala pa rin ng Panginoon, nawa kayo rin. 

Bali, ngayong ikalawang linggo ng aming CVAP (Certified Voice Artist Program) workshop ay masasabi kong mas dumami ang rebelasyon, bukod sa mga takdang aralin heheh. Sapagkat nabanggit 'yong mga bagay na akala ko ayos lang kapag dating sa tamang pag-aalaga ng boses, at siyempre sa pagboboses. Tulad ng mga paborito kong maaanghang na pagkain, at siyempre, isa sa rebelasyon ang pagkatawag sa online kumustahan heheh. 😅 Ayon, tinanong lang naman kung ano at kung ba't ganoon ang voice brand name namin ng ate ko, dahil nang mga oras na 'yon ay iisang device lang ang gamit namin ng ate ko.
Samantala, tumalon naman tayo sa pinaka-highlights ng blog na 'to. Sabi sa screenshot taken from kuys Joshua Simeon (The Voice Scout) na kung paano nga ba raw maging isang epektibong voice artist ay masasabi kong marami akong realization at learnings, dahil sa napagdaanan ko na 'yon, bago pa ako pumasok dito sa workshop na ito. Una, kailangan daw muna namin tapusin ang lahat ng assignments namin sa CVAP ahahah. At oo, nabuhay muli ang loob ko at patutunayan ko na kaya kong maniubrahin ang sitwasyon na kinahaharap ko, dahil ako si #The ManeuVoice. To be honest, medyo may pag-aalangan sa isip ko, kung matatapos ko ba ang mga iniatas sa amin na mga gawain eh, pero siyempre tuloy lang ang laban.  Mas natutuhan ko rin na bigyang pansin iyong 3 T's (Time, Talent, and Treasure) at masasabi kong "I'm working on it." Next is "listen to fellow CVA" na kung saan ginagawa ko naman. Lastly, natutuhan at napagtanto ko sa sharing ni The Voice Scout 'yong patuloy na pagbabahagi ng iyong karanasan pagdating sa voice artistry, kung saan kasalukuyan ko namang ginagawa. At siyempre, mayroon pang pinaka-dalawang importante at ito 'yong dapat lagi kang Ritemed, which means hindi ka dapat mahihiyang magtanong, kung sakaling bago lang sa'yo ang isang bagay at ang pinaka-huli talaga ay ang matuto na mag-move on at maging immune sa rejections and to be honest, natututuhan ko na siya ngayon, simula noong nagsimula ako sa field na 'to last year.

"We aspire self-expression, success, and excellence" ito naman 'yong mga salita na pinaka-tumatak sa isip ko tungkol sa mga sinabi ni sir Choy at siyempre um-attend din ang pinaka-unang Philippine based voice artist na nakilala ko na siya namang nag-introduce sa akin sa ating VoiceMaster through her vlogs, siya ay walang iba kundi si Ms. Kathleen Sone, aka Voice Over Flowers. (Pero week 1 guest siya heheh.) Grabe 'yong inspiration na ibinahagi nila sa mga tagapakinig nila, tulad ko.

Ayon lang... sabi ko nga masaya naman, kahit na ang dami kong nalaman na bawal pala 'yong mga gusto kong kainin pagdating sa proper voice care heheh. Then ang saya lang, kasi kahit na alam ko na 'yong niche ko ay mas naenganyo pa akong matutuhan 'yong character voices, kahit na hirap ako roon, pero dahil sa samples at mga sinabi ni VM ay mas na-excite ako na matutuhan din 'yon soon. Saka dami ring assignments sabi ko nga, pero ayos lang kami lang din naman magbe-benefits eh sabi ni sir Jeff. Thankful ako, dahil naka-survive kami ng ate ko sa week 2. Thanks CVAP fam! 💖😇